Отзыв на Olimar Ii 3

У нас былі двухпакаёвыя апартаменты на першым паверсе.
Чыстыя, утульныя.
У кухонным анэксе было трохі посуду, але мы не карысталіся, бо быў поўны пансіён.
Вокны выходзілі на басейн, не было шуму.
Добрая шумаізаляцыя, тоўстыя дзверы, у нумарах на першым паверсе былі жалюзі. Адчувалі сябе ў бяспецы: мелі тры ключы - ад каліткі на ўваходзе на тэрыторыю, ад уваходных дзвярэй у корпус, ад нашых апартаментаў. Чысты басейн, ёсць маленькі для дзяцей.
Сярод адпачываючых было шмат гішпанскіх пенсіянераў, якія ўвесь час збіраліся ўдзень на рэпетыцыі танцаў, а ўвечары танцавалі, час ад часу грэліся на мясцовым пляжы седзячы на пляжных крэслах, а бабулі часцей топлес.
Была таксама арганізаваная група людзей з асаблівасцямі псіхафізічнага развіцця, з імі былі памочнікі, яны асобна харчаваліся, нікому не перашкаджалі. Можна толькі пазайздросціць гішпанскім пенсіянерам і парадавацца за тую асаблівую групу, што дзяржава ім дапамагае ў арганізацыі адпачынку і аздараўлення і яны могуць правесці цудоўна гэты час на моры.
Як нам растлумачылі, у пачатку сезона, у маі і чэрвені заўсёды такія арганізаваныя групы ў гэтым гатэлі.
Харчаванне спадабалася, вельмі разнастайнае, заўсёды морапрадукты, паэлья, шмат садавіны і гародніны.
На абед і вячэру напоі (вада ці алкаголь) трэба купляць асобна.
Што вельмі здзівіла - ў рэстаране прынята свой посуд пасля ежы самому занесці і скласці на адпаведныя столікі, як у сталоўцы самаабслугоўвання.
Анімацыя была, але для дзяцей па гішпанску, нашы дзеці не змаглі па гэтай прычыне паўдзельнічаць.
Былі танцоры фламэнка, былі фокуснікі.
Да пляжа блізка, 5 мінут прайсціся па прыгожай вуліцы.
Да 25 чэрвеня лічыцца яшчэ не сезон, таму на пляжы мала людзей, амаль ніхто не купаецца.
А для нас - проста цуд, вада цёплая (22-23 градуса), дзецям радасць.
Побач невялічкі порт з прыгожымі невялікімі яхтамі і рыбацкі і лодкамі.
Па дарозе на пляж экскурсійна-турыстычнае бюро, дзе прапаноўваюць разнастайныя экскурсіі - роўна ў 2 разы танней чым у нашага тураператараў. З імі ездзілі ў Барселону, ў Мансэрат, у Сітжэс.
Там працуюць рускамоўныя маладыя людзі, аб усім раскажуць, парадзяць, у іх можна набыць квіткі на аўтобусы, у парк Порт-Авентура.
Порт-Авентура - гэта проста казка і рай для дзяцей.
Сам Камбрыльс - вельмі утульнае мястэчка, каля мора - больш сучасны, а ў глыбіні, за чыгункай, старажытны, сярэднявечны.